ااااه ياكبدي

معاشي وحده مايكفيش . لوعندي كيف مانشريش

نار ف قلبي تحرق فيا ..

           منين قالوا فلوس مافيش

اصبر ولدي وحس بيا 

          لوعندي كيف مانشريش

راهو دمعك غالي عليا 

          اصبر ولدي ماعنديش

كفف دمعك سلم ولدي

حرقتلي ياوليدي كبدي

والله ياولدي ماعنديش . جيب بوك مافيه قريش

اصبر ولدي مايسدوش

           اللي عندي مايجبوش

لوعندي كيف مانشريش

لو عندي كيف مانشريلك تتباهى وتفرح زي جيلك

حيلك عني ولدي حيلك . لو عندي كيف مانشريش

والله وليدي ماعنديش

لو عندي كيف نبخل عنك . وكيف انكون اسبب ف حزنك

ادعي ربي يقبل منك  .. يروحوا الجرذان طراطيش

  تصفى وطنك وتروح احزانك . وتزهى ايامك وتعيش