كلمتي ميزان 

سوا توى ولا ايام زمان

ماتغير عليا شي

مالحق مانّتهرب 

ياما ناظر في الحياة ومجرّب

داير الزينة والفايدة مشّرّب

وكان اخطيت اخطاي للنسيان

ولاني ملي مع الخرب ايّخرّب

ووسط العمار من بيعد انبان

قسمي نرضابه و ما نّتكرّب

نرضى باللي قسامة المنّان

الوجع رمته وعالخصص مدّرب

والقل مايكسر ظهر عصران

نقرب للي بالوفاء ايتقرّب

نقعد في ظهره جبل صوّان

العلل كاثر او فيه نجٌلّب

خلاصه مانرافق اللي خوّان

 

كلمتي انسدّدّها

لين النفوس الخامجة انفدّدها

تخبط الصخرة لين ماتهردها

ماني منافق ولا اللي لسّان

كلمة الحق انرد ونردّدها

ياريت توصل للي قليل الشّان

 مواقف كثيرة كان بنعددها

و انعري اللي نعرفه تعبان

وننشر شيانتهم وفوقها انقدّدها

وكم من جوف بالوسخ مليان

وماملي منافق وخصلته محدّدها

راهو الخسيس في صنعته فنان