أى كلام والسلام
أعرف حمار بيتكلم
وأعرف أسد جريح بيتألم
وبرسم وردة فى وسط الشوك حيرانه
وبرسم وردة دبلانه
وأعرف قرود على الاسود بتتنطط
وأعرف نمور بتهرب من القطط
وأعرف أصحاب وحبايب مبقوش حلوين
وأعرف زهر حزين
وأعرف شجر شايل همومه فى العالى
وشجر أنكسر بعد ماكان فى الزمن غالى
أعرف شباب باعوا العيس بالرخيص
وشاعر بقى كل كلامه تهجيص
وبرسم شوارب كانت بتقف عليهاصقور
وبرسم بحور
وأعرف ساقية خربانه
وأعرف أرض من قلة الميه صبحت بور
وبرسم ضحكه فرحانه مدارية خلف السور
وبرسم بيت صبح مهجور
وأعرف بلاد كانت عايشه فى العز
وأعرف شباب كان واخد الدنيا بالعرض والطول
صبح مسطول
