السلام عليكم ورحمة الله وبركاته
بعد غياب
جديد فلمي
"تعبت"
تجول في خاطري فكره واقول انساه انا بكره
يجيني بكره بذكره ولا اقوى على النسيان
خيالي واقعي سحره انا محتار في امره
ملاك او جان ما ادري ولكن ما اظن انسان
يا كيف انسى انا ثغره جماله طلته عطره
وصوته لا عزف شعره وصار في مسمعي الحان
سهام عيونه الخضره تصيب القلب من نظره
ورسمة حاجبه شفره عجز عن فكها فنان
وسلت خنجره فتنه تفك الشر من اسره
وروج التوت من حلوه يوقض داخلي شيطان
سواد الليل في شعره خدوده بيض محمره
وخصره كيف متحمل يناظر طائفي الرمان
بعاده حيل عذبني وشوقي له حمى جمره
تعبت امثل البسمه وانا في داخلي بركان
تعبت اكذب على نفسي اقول اليوم وانتظره
ولا ادري به اذا يدري بأني فيه انا هيمان
تعبت اناظر القمره وتخنقني انا العبره
تعبت اوقف على اطلاله واعيش في كان يا ما كان
وسلامتكم
اخوكم طه العلي
