شنقوا الفجريه

كيفكم يابا لسعاكم فى العزبة غرابا

لسه ماسمعوش عنكم حاجه

ولا زاركم فى الناحية خواجه

أيوه أيوه سامع يابا وكمان هتبيعوا البقرايه

هى الى فاضله فى الدار وبتشربوا منها اللبنايه

وتغمسوا اللقمه بجبنايه

يعنى غموسكم يابا صار كله بملحايه

يابا اخواتى صاروا صبايا

كيف يمشوا فى العزبه عرايا

صارت شتوايه وشتوايه ولا ضاقوا طعم الهدمايه

هنقول نستحمل طيب والمجوزة

ميجلهاش دولاب بمرايه

البول الأحمر بلهارسا

وحاجه تقيله على الكلوه أعراض حصوه

يبقى لابد تروح مستشفى

لكن وازاى من غير واسطه

يابا ألطم وشى بكفافى

من كتر ما بدهوس حافى

قوم هات لفنوسك جاز

بيع الزرع وهاتلوا قزاز

ممتتش فيك الرجوليه

يابا دول شنقوا الفجريه