كلنا بلماضي وبقلوبنا نحبوه
رجل حقاني بالدم والروح نفدوه
كونترة على العديان اللي باعوه
وفي وسط الدار الحلم منو سرقوه
بلماضي قدم وعلى اعمالو نشكروه
ما ننكر الجميل والكأس الشبان رفعوه
فرح الشعب الجزائري محال نتركوه
الله ينصركم يا شبان علامنا علتوه
مدام بلماضي الفوز على الجبين كتبوه
وبقدرة ربي الكأس للجزائر أهدوه
يا ربي الحق يبان وللعالم نكشفوه
مهما كانت العراقيل الرجال يجبوه
كلام الشلفية كلام صواب أعقلوه
يعيا ويبان الصح وللناس اثبتوه
سجلوه في التاريخ وعلى لسان فاطمة أكتبوه
تطلع الجزائر بربي بلماضي نكرموه
خلوني نحلم وحلمنا ما تقطعوه
ولو بصيص من الامل بربي نحقوه
صل الله على محمد وفي حياتنا نذكروه
الواجب ذكرو في اللسان ديما ماننسوه
بقلم فاطمة الشلفية
