السلام عليكم ورحمة الله وبركاته

كان فرض ولا اختيار

سوء حظ ولا انتحار

عمرى اللى راح بلاش

وسنين معشتهاش

وصبر فوق الاحتمال

وسجن مالوش جدار

كان فرض ولا اختيار

بحسن نية وضمير

عشت وما شفت خير

حبيت اللى ميسواش

كنت عنه مبستغناش

من قلبى خلاص اتشال

كان ليل وطلع النهار

كان فرض ولا اختيار

كنت عايش لهم

بلسم يداوى جرحهم

وكنت مبحسبهاش

لكن قلبى مبينساش

لهمومى كان شيال

لحد ما اتحرق بالنار

كان فرض ولا اختيار

رغم الجراح عايشين

لسانا بنى ادمين

كلمة اه مبنقولهاش

الدمعة عينى مبتسيبهاش

خلاص بقينا زى الجبال

منتأثرش بأى دمار

كان فرض ولا اختيار