السلام عليكم ورحمة الله وبركاته

ليه بتنكر خيره عليك

رغم ان دمك من دمه

وبدال ما تشيله فى عينيك

بسهولة بتتبرى منه

جرحته وهان عليك

ولا هو عاجبك اكمنه

بفقره كان مراعيك

ولا يوم راعيت سنه

ده بعرقه روى اراضيك

ضيع عليك زمنه

كنت انانى متمرش فيك

خيبت امله وحسن ظنه

وبدال ما يفرح بيك

موّت ابوك بجحودك صدمته

ده كانت روحه فيك

وانت بغرورك طعنته

الدنيا دوارة وهتوريك

ازاى هاتجنى اللى زرعته

بكرة ابنك يرده ليك

مهما هنيته او دلعته

سيبت الدنيا تلعب بيك

ورضا اهلك خسرته

دايما مع ربنا خليك

يسندك لو يوم سألته

ياللى ضاقت دنيتك

صالح والدك لو زعلته