ثروت المصري
| | | شــاعــر | | مراقب سابق | | المشاركات: 101067 |  | | معدل المشاركات يوميا: 14.3 | | الأيام منذ الإنضمام: 7079 | | |
السلام عليكم ورحمة الله وبركاته
حاولت ومقدرتش ابيع
حسيت الأيام بتضيع
وياكى انا عشت حياتى
وياكى كان عمرى ربيع
سلمت الأيام موواويلى
وعنيكى فضلت تنادى لى
وعنيه رقصت مالفرحة
ولاقيتها بلهفة بتحكى لى
وكتبت لقلبك مراسيل
القلب اللى مالوهش مثيل
وانا قولت لقلبى ينساكى
وحلف لى لغيرك ما يميل
ورسمت عيونك فى مرايتى
وياها سجلت حكايتى
من نومى باصحى اجرى عليها
معقول دى تبقى نهايتى
لو نمت فى مره بناديكى
فى الحلم معايا وبلاقيكى
وحياتك ده كفاية عليا
وليلاتى انا بحلم بيكى
لو شفت الحلوين قدامى
من بعدك ما يمسوا غرامى
انا قلبى مفتاحه معاكى
ارتاحى يا حبيبتى ونامى
لو عدت من عمرى سنين
وفراقك دوبنى حنين
يكفينى لو اشوفك مرة
تحيى لى قلبى المسكين
من قلبى العاشق بادعى لك
والله معزبنى رحيلك
ويارب يكتر افراحك
ويارب الاحزان ما تجيلك
بقلمـى ومسجلة |
|
