ثروت المصري
| | | شــاعــر | | مراقب سابق | | المشاركات: 101067 |  | | معدل المشاركات يوميا: 14.3 | | الأيام منذ الإنضمام: 7079 | | |
السلام عليكم ورحمة الله وبركاته
ياللى هويت ومخبى هواك
قول لحبيبك ايه جواك
متخبيش احساسك بيه
قرب منه ما دمت شاريه
خليه يسمع دقات قلبك
وعشان يسمع خليه جنبك
وادى له من بحر صفاك
ياللى هويت ومخبى هواك
قول لحبيبك ايه جواك
قرب منه شوية شوية
خللى عنيك بالحب قوية
لو يوم يفرح روح هنيه
لو مقدرتش قول لعنيه
حاول تشغل باله معاك
خللى الصدق صديق وياك
ياللى هويت ومخبى هواك
قول لحبيبك ايه جواك
لو خايف على حبك ليه
قوله قوام عاللى مخبيه
يمكن قاصد يستناك
لما تقول له على شكواك
ياللى هويت ومخبى هواك
قول لحبيبك أيه جواك
بقلمـى ومُسجلة |
|
