ثروت المصري
| | | شــاعــر | | مراقب سابق | | المشاركات: 101067 |  | | معدل المشاركات يوميا: 14.3 | | الأيام منذ الإنضمام: 7079 | | |
السلام عليكم ورحمة الله وبركاته
ما خلاص راحت عليكى
راجعة لى تانى ليه
قلبى مش ملك ايديكى
علشان ترجعى تاخديه
راحت ايامنا خلاص
ما دام مفيش اخلاص
حبنا مكانش كلام
ده كان اجمل احساس
وليه سبتينى وروحتى
لما اشتاقتي لى رجعتى
حبيتك انا من قلبى
واديت لك ضحكتى
دلوقتى نسيتك والله
والحب انا دُست عليه
ما خلاص راحت عليكى
راجعة لى تانى ليه
عملتى الحب لعبة
ولعبتى بيها عليها
وانا لما عرفت قصدك
مبكتش والله عينيه
بالعكس دى كرهت حبك
وارتاحت من الاسية
انسى اللى كان وفات
مبقاش عندى الحنية
معنديش ذكريات
او ماضى يأثر فيه
ما هو كان كلام وبس
علشان تتسلى عليا
وانا لما قلبى حس
قولت خلاص كفاية
ابعدى عنى يا غدارة
غدرك بقى له نهاية
بعيد عنِك بارتاح
وانسى دموعى واسايا
تعبت من الجراح
وقلبى مٌوتيه
ما خلاص راحت عليكى
راجعة لى تانى ليه
بقلمى ومٌسجلة |
|
