يا ابني تهلا في ميمتك متغبنهاش 

درها عمامة فوق راسك وشاش

اذا رحلت عنك للقبر مترجهاش

تندم طول حياتك وضرها مايبراش

تهلا في ميمتك راهي في لنعاش

سهر عليها الليل وما تغبنهاش

يا ابني نوصيك على الارض متنيمهاش

درها في حجرك وعطرلها  الفراش

ما تشوفهاش دراهم مال الدنيا ومايشروهاش

فرصة بين يدك اذا راحت  متعوضهاش

الحياة صعيبة متضمنهاش

عند ساعة تنقلب والمحنة متنجمهاش

دعواتها حارة مرة طيح فراش

والصحة الزينة من ورائها متجبرهاش

هي كنز عطاه ربي زينها ميفناش

وهي شمعة ضاوية من ورائها ما نلقهاش

                    بقلم فاطمة شلف