مانبيها .....

  محال يوم انكون نا غاليها

اللي اهلها باعوا الوطن والله مانبيها

ما ناخذها
وكيف اندير اولاد غدوه منها ... وكيف اولادي الناس بتقابلها 
لا والنبي النفس ماتقبلها ... ولا انزيد نفسي هم علي فيها
غدوه اولادي الناس بتعيرها ... وتبقى ذليله الكل هازي عليها
انكان خذيت نختار منهم هلها ... حتى ايكون الفخر بيا وبيها
ناخذ حره 
للبيت ركيزه وياخوي تحفظ سره .... وبهموم قلبي ف الليل منشاكيها
وانكان نظرت ليها الوجه تسره .... وكل الحواس ياخوي ترقص ليها
وانكان ليله كنت بايت بره .... ترتاح نفسي لان اصلها حاميها
مش كيف اللي تعوي تقولش هره .... انكان غبت لحظه ف البيت ماتلاقيها
بين الشوارع تبحث اتشوف الجره .... وتبداء الشكوك بالنفس تلعب بيها
ويلي بتاخذ انقولك خذ حره .... حتى الجمال لو كان ناقص فيها
راهو الجمال ماهوش اللي بره .... هذا جمال استوك امغطيها
الجمال الصح ياخوي مايتورى .... ولا ينكشف غير للحلال عليها