السلام عليكم ورحمة الله وبركاته ..

فلسفتي مع الدنيا ..... قصيدة كتبتها للحظة .. اتمنى ان تعجبكم اخوتي 

وتستمتعون بها ..... مع تحياتي .. محمد العـــنزي 

يا دنيا خلي اسولف وياج

 نكشف الموجود ونفتح الشفرة  ..

زمان ما عرفتج دوم..

ويوميه تهديلي من الحزن قطره ..

وياي اعض اصبع واصيح الاااخ..

ولغيري صرتي   بمحبسةشذرة..

يادنيا شو الامل وياج ضاع ..

ومن جان وياي هم خلص صبره ..

التهويه تبنيله من السعادة اجسور...

والعاندج من الصغر هدمتي جسره ..

يا حلم الاكظه يتفتت وياج ..

ويادرب امشيه تحطيلي بيه عثرة..

يا دنيا شو تعزفيلي بناي ..

سمفونية عذاب والضحكة كشرة ..

البجي والنوح هاي عندج  مقام ..

والدمع ميزاب  ومن كلبي عصرة ..

كل الاحبه اكولن عرس موجود..

وانتي تعترضين  وتزفينه للهجرة ..

بس اني وياج اشوف مختلفين ..

من دون كل الناس بيه مقتصرة ..

اذا ابتسم  تخزرني الجروح..

وتبقه البسمة بفاهي مدثرة ..

معاندة وياي وبيا ذنب مطلوب ..

اتلاوى وياج ودوم انتي منتصره..

بقلمي ....  محمد العنزي