يافاطمة خافي من مولاك

خافي من ربي وخشاي عذاب النار

الغيرة والحسد الشر مالي عينيك

ما  تكسبي غير ذنوب  كبار

صلي على النبي وطيعي مولاك

بلاك يغفرلك وقوي من الاستغفار

يا فاطمة عيت نساعف فيك

قلت بلاك تستعقل عيب وعار

من  عصى الله راه فالهلاك

خافي على روحك كي تغمض لبصار

ماينفع غير الصح وشتى معاك

كل يوم تقطعي الكلام بالمنشار

النمام مايربح واللسان في تهلاك

ماكي حرة بنت لحرار

الحر يصوط بظهر الناس هاك

وانتي تاكلي لحم العزبات ولحم الجار

حتى لولاد علمتهم البغض معاك

لهين فالناس وتلقطوا فالخبار

يا فاطمة خافي من مولاك

تكلي لحم الميت وست ياستار

وزني كلامك وحفظي الميم تحفظك

بركاكي ماتعزفي الجرح على لوتار

راهي يافاطمة الدنيا تغر بيك

تضحك عليك وتبكيك بعيوب كثار

صلى الله يامحمد النبي عليك

تشفع يوم القايمة ياطه بالنوار

                   بقلم فاطمة شلف