السلام عليكم ورحمة الله وبركاته

اضع بين ايديكم قصيدة اتمنى ان تكون بوابة عودتي لبيتي الاول

"سابع النوم"

مرت وانا في سابع النوم هاني

فجأه انا من حلمها قمت مقهور

ودي انا ارجع في حلمها ثواني

للي سناها زاين(ن) نوره بنور

كنها خذت كل الحسن والاماني

لا هي بشر لا هي من الجن والحور

عذرى سهمها في فوادي رماني

جرحه على قلبي طبع بسمة سرور

ما تنوصف لكن وصفها امتحاني

وانا اللذي ابدع ولا ارضى بالقصور

شاعر ولكن ما تحرك كياني

مات الشعر فيني من سنين مقبور

اربع سنين وفوقهم شهر ثاني

ناسي قراطيسي ولا اعزف بحور

مرت واحيت بالفكر شخص فاني

واحيت غرور الشعر في شخص مغرور

ينكح بنات افكار تولد اغاني

اللي لها الشعار تمكث بالشهور

في كل شطر عذرا تنادي"مكاني"

من كثرهن صفيت مليون طابور

ابدع جزيل الشعر وزن ومعاني

والبيت ما هو بيت ان كان مكسور

في اسوء الاحوال فلته في زماني

واسمي ليا منه طرى نقط شعور

 الشعر لي بحر(ن) وانا له مواني

ما هزني ريحه وان كان عافور

لحظه دقيقة يا حلم وش بلاني

ارجع دخيلك للورى وانت مشكور

شطر(ن) وانا في سابع النوم جاني

قمت ونقشته في قراطيسي شطور

وسلامتك

بقلم اخوكم طه العلي