السلام عليكم ورحمة الله وبركاته

فى بكرة متفكرش

 عشان ترتاح

وانسى ومتدورش

على اللى راح

عيش اليوم بيومه

وكأنه اليوم الاخير

وانسى الماضى بكل همومه

من غير تفكير

ده كان كله جراح

فى بكرة متفكرش

 عشان ترتاح

الفرح جواك ازرعه

والضحك بايديك اصنعه

والدمع فى عينيك امنعه

والعمر اوعى تضيعه

واملا حياتك بالافراح

فى بكرة متفكرش

 عشان ترتاح

كل حياتنا قدر مكتوب

ربنا وحده رب قلوب

رحيم بيغفر كل الذنوب

مستنيك ترجع وتتوب

قربك منه نجاة وفلاح

فى بكرة متفكرش

عشان ترتاح