منتديات ستار تايمز: ◄¦[ تَـغْـطِـيّـةُ مُـسَـلْـسَلْ ’’النًصْ ‘‘]¦ مذكرات نشال

احمد امين عامل حلقة حلوة تمثيليا بس برضه بيمثل احمد امين مش بيمثل عبد العزيز النص

ميشيل ميلاد (اسماعيل) هو أفضل ما قدمه المسلسل لنا

يا كلمة امي بقا 😂😂

كنت لسه بأسأل هو راح فين درويش ... حمزه العيلي على وضعه :))

بس شايف انه عقاب مبالغ فيه شوية انه يتجنن او بمعنى أصح عقاب لا يستحقه او كليشيهي

الاخراج متعوب عليه بزيادة من الناحية البصرية ... بزيادة اوي كمان كل المجهود انصب على التصوير و الديكورات لكن المونتاج و المكساج و التمثيل لا تعليق

اي اجتهاد تمثيلي فهو من الممثل نفسه و اي مشكلة تمثيلية فهي من الممثل نفسه غالبا

المونتاج غريب ، اتنين بيتكلموا في موضوع مهم و فجأه تقطع عليهم بمشهد مالوش علاقة تماما وبعدها ترجع لهم تاني اما المكساج و الموسيقى اللي شغالة on-loop دي موال تاني بس للامانه اتحسنت الامور اخر كم حلقة حتى الموسيقى اتحسنت كمان و بقى فيه لحن واضح و حلو كمان و ياريت كانوا استغلوه من الاول

السيناريو اكير عيب فيه هو مطمطة حلقة او حلقتين على ست حلقات و بعدها تسريع كبير في إيقاع الأحداث تحس انه كان مخطط انه يبقى 30 و فجأة قالوا لهم اعملوه 15

و ختاما المسلسل مش محبط للدرجة

مشكلة النص انه كان في النص و مش عارف يمسك العصاية من النص و ما دخلناش في الأحداث الا بعد ما وصلت احداثه للنص

كل شئ بيتحسن من الحلقة 7 السيناريو بيتظبط التمثيل بيتظبط مفعول الايفيهات بيبقى أقوى و في نفس الوقت مش خارج عن ثيم المسلسل الغرض الأساسي من المسلسل بيبان فعلا و بتحب الشخصيات اكتر و تتفاعل معاها وساعتها بتحب المسلسل

افضل مافي المسلسل كتابيا هو لغة الحوار بين الشخصيات ، الإسقاطات ذكية و حلوة و خالية من الشؤون المعنوية و المعلومات في آخر الحلقة بالرغم من انها اسلوب طرح متاخد من الكتب و في البداية كانت بتبقا مالهاش علاقة بالأحداث بس في آخر كم حلقة بقت مفيدة و فعالة فعلا ... يمكن لأن بقا فيه احداث

المسلسل كوميدي نص ... درامي نص ... حلو نص و عشان كدا تقييمه بالنسبة لي 6.5\10 ، فيه مجهود اتبذل من اغلب الاطراف عشان تطلع حاجة لطيفة و اعتقد انه بالرغم من سلبيات المسلسل الا انه ليه مريديه و حتى لو مش عاجبك في بدايته فعلى الاغلب هتنبسط مع بداية النص التاني من الحلقات

النص ... مش نص نص