وقبل ما تتقفل التغطية عايز افكر الناس تاني بقضية مشابهة اكيد معظمكم سمع عنها من اربع سنين
اللي امامكم في الصورة ... موظف مهم في احد البنوك الدولية ، متزوج و عنده طفلين ، زار بيت الله مرتين ، اه و نسيت اهم حاجة في الـC.V ... متحرش اطفال
شخص لا اتعرض لضغوطات ولا معاناة ولا ترومات ، عايش احلى عيشة ، حرفيا ختم كل مراحل الحياة
ومع ذلك كان شهواني و شهوته وصلته لدرجة انه يستدرج طفلة بتتسول في الشوارع عندها "سبع سنين" عشان يهتك عرضها
ولان مفيش اسوء من ان ربنا يسلط على العبد نفسه ... بتظبطه كاميرات المراقبة في المكان اللي كان بيتحرش فيه بالطفلة وبيتحول في ظرف يوم واحد الى اشهر متحرش في مصر لدرجة انه اتقبض عليه في ظرف ساعات من حدوث الواقعة
اتوجهت له تهمتي الخطف و هتك عرض طفل و فشل حتى في الدفاع عن نفسه علشان يتحكم عليه في النهاية بالسجن المشدد ... 10 سنوات بس
ليه بحكي القصة دي ، اولا عشان اقول انه ممكن يبقا واحد "لا اتعرض لا لمعاناة او تحرش مماثل وهو صغير" و مع ذلك يصل لاقصى درجات الدناءة و الوطي في الدنيا انه يشتهي طفلة بناهيك عن انها لا ليها اهل ولا حد يسال عنها
وثانيا علشان نفكر ... ان واحد متشاف في كاميرات مراقبة ده غير الشهود وقت الحادثة ، يعني مصر كلها شافته وفيه دليل مادي "اكتر من المادية" مثبت ضده ، ومع ذلك اتحكم عليه بعشر سنين فقط
بينما وسام اللي اتمسك عليه شوية افلام عنده في اللابتوب اتحكم عليه بمؤبد ، واعتقد ده الفرق الواضح بين مسلسلات المتحدة و الواقع
النهاية كانت هتبقا اكثر واقعية لو كان وسام اخد في الاخر 8 او 10 سنين بس يعني كم سنة و طالع و هيرجع يكمل مسيرته الحقيرة انما طبعا وجهة نظر صناع المسلسل "مشيها صناعه" لازم تدهن الواقع بحكم عاطفي عشان في الاخر نقول اسلمي يا مصر بينما لما حصلت نفس القضية في الواقع ، نفس القضاء اكتفى بعشر سنين بس ... اسلمي يا مصر فعلا
